।। भिक्षा ॐ भवती ।।

भस्म सुशोभित कोमल काया ।
दारी आला हा यती मागतो भिक्षा ओम् भवती
।।धृ।।

त्रिभुवन सारे जेवू घाली । पालन पोषण सर्वावाली । पंचभूते ही सृष्टी सारी । खेळे ज्याच्या हाती
।।१।।

कामधेनूचा मंगल वास । इच्छित जे जे मिळते ज्यास । परि हिंडे हा दारो दारी । त्रैलोक्याचा पती
।।२।।

दश अवतारी जन्म घेऊनी। थकलासे हा रक्षुन अवनी । अजुन धावे संकट पडतां । शोधीत राने किती
।।३।।

अघटित करणी गुरूरायाची । नाही कुणाला समजायाची । कष्ट तनुसी कांही असावे । असेल ज्याची मती
।।४।।

अन्नपूर्णे सदापूर्णे, शंकर प्राणवल्लभे ज्ञान वैराग्य सिद्धार्थ्यं भिक्षां देहिच पार्वती ओम भंवती भिक्षान् देही

卐 卐 卐 卐 卐